Kusmoelmiss

Refrein
Der wit eederein van Jokus
wie Jo kust kust nemes
en der zónder hokuspokus
wie Jo kust kust nemes
puur natuur is ’t vergleke
hiel sekuur is det bekeke
’t is zoe beslis in de Jokuskwis
Jo is ónbetwis de kusmoelmiss

Kouplet 1
Umdet me det zoe geer ins wis
heel ózze Wieze road ein kwis
doezend meëdjes ware d’r intusse
deje mei wae ’t beste kós kusse
gooi papiere hat Merie
mer allein in theorie
in de praktijk toen waar ’t Jo
det waas kusse óp niveau

Kouplet 2
’t Hoes det is noe vuël te klein
en Jo is noeëts neet mier allein
woe ze det toch allemoal van wiste
hiel ’t hoes zat vol mit journaliste
joa det is de meute weerd
es ós Jo weer demonstreert
en groeëte koppe in de krant
beste kusmoel van ’t land